آلما گولو

سروده های ترکی  ؛  تورکو شئعرلر

گلشندن آیری / گۆلشندن آیرؽ / gülşəndən aırı

هئچ بیلمه‌دیم هاچان گئچدی باهاریم
چوخدان دور گزیرم گۆلشن‌دن آیرؽ
عاشیقلارین خوش گۆنلری تئز باتار
شیدا بولبول دۆشر سۇسن‌دن آیرؽ

جاوانلؽق بیر قیزیل گۆلدور چمنده
حئییف آمما گئدر قالماز بدنده
بختورلر بخت آتؽندان دۆشنده
دۏست‌دا خنجر وۇرۇر دۆشمن‌دن آیرؽ

داغیدیب داغلارؽ ائتدیم هاموارا
دؤشۆردوم داشینی چئکدیم اۏوجارا
اکدیم آمما هئچ گلمه‌دی آنبارا
سۆنبولوم ازدیلر خرمن‌دن آیرؽ

داها چؤلده چوبان ، سئلده سارای یوخ
محبت مجنۇنو مندن ساوای یوخ
هئچ کیمسه دن بۇ مجنۇنا هارای یوخ
من ائلدن آیرؽیام ، ائل من‌دن آیرؽ


heç bilmədim haçan geçdi baharım
çoxdandur gəzirəm gülşəndən aırı
aşıqların xoş günləri tez batar
şeida bülbül düşər susəndən aırı

cavanlıq bir qizil güldür çəməndə
hayif amma gedər qalmaz bədəndə
baxtəvərlər bəxt atından düşəndə
dost da xəncər vırır düşməndən aırı

daqıdıb daqları etdim hamvara
döşürdüm daşını çekdim ovcara
əkdim amma heç gəlmədi anbara
sümbülüm əzdilər xərməndən aırı

daha çöldə çoban , seldə saray yox
məhəbbət məcnunu məndən savay yox
bu məcnuna heç kimsədən haray yox
mən eldən aırıyam el məndən aırı