آلما گولو
درباره سایت
آخرین مطالب
امکانات وب
آلما گولو
سروده های ترکی ؛ تورکو شئعرلر
بیزیم مُلّا mollah
اؤلکهمیزده بیر اۆزو چوخ موللا وار
هامؽیا گۆج دئیهر آللادان ساوای
آرزوم بودور بو یئنگی ایل بو بایرام
هامؽیا خئیر اولا موللادان ساوای
او موللانؽن دؤورونده چوخ دلی وار
وکیلی وار ، وزیری وار ، یَلی وار
هامؽ یئرده، هامؽ ایشده الی وار
آمما هونری یوخ حیللهدن ساوای
ایشی بودور فقط فتنهنی دَشر
بیکار قالسا کؤلگهسیلن ایتلهشر
بیر عؤمۆر دۆر شر دالؽندا بو بشر
خئیر ایشلره دئمز « کَلَّا »دان ساوای
گۆنوز توتار مجلسلرین صَدرینی
گئجه سئچر گؤزللرین بَدرینی
اؤزو بیلیر هر لذّتین قَدرینی
بیزه بیلمز روا گۆللهدن ساوای
بیرینه ایستینیر ، بیرینه جۏشار
بیریسیایلن خۏللاص عَرَبجه یانشار
عئیبین دئسن پاک سیملری قارؽشار
داها چالماز سازؽ «سُل-لا»دان ساوای
پیغمبرین عباسؽ وار چیننده
آمما گؤؤزو اِستالینده ، لِنینده
رحیم دئسه موللا یزید دینینده
حق سؤزه نه دئییم واللادان ساوای
برچسب:
نویسنده: مریم کمالی